पालकमंत्री इंद्रनील नाईक यांनी साधला पदाधिकारी व नागरिकांशी संवाद
खासदार प्रफुल पटेल यांच्या रामनगर निवासस्थानी जनसंवाद
गोंदिया (अनिल मुनीश्वर) :
दि. २२ ऑगस्ट रोजी खासदार श्री. प्रफुल पटेल यांच्या रामनगर, गोंदिया येथील निवासस्थानी जिल्ह्याच्या दौऱ्यावर असलेले पालकमंत्री नामदार श्री. इंद्रनील नाईक यांनी जिल्ह्यातील पक्ष पदाधिकारी, कार्यकर्ते तसेच नागरिकांशी संवाद साधला.
यावेळी पालकमंत्री इंद्रनील नाईक यांनी उपस्थित नागरिकांच्या विविध समस्या, निवेदने तसेच अडी-अडचणी जाणून घेतल्या. नागरिकांनी मांडलेल्या प्रश्नांवर संबंधित विभागांशी समन्वय साधून प्रश्नांचे निराकरण करण्याचे आश्वासन त्यांनी दिले.
नागरिकांच्या समस्या सोडविण्यासाठी शासन सकारात्मक असून, नागरिकांनी मांडलेले प्रश्न लवकरच मार्गी लावले जातील, असे आश्वासन पालकमंत्र्यांनी यावेळी दिले.
याप्रसंगी खासदार श्री. राजेंद्र जैन प्रामुख्याने उपस्थित होते. तसेच राष्ट्रवादी काँग्रेसचे जिल्ह्यातील प्रमुख पदाधिकारी, कार्यकर्ते व नागरिक मोठ्या संख्येने उपस्थित होते.
AGMNEWS24 | गोंदिया
आपली बातमी, आपला विश्वास
