गोंदिया(अनिल मुनिश्वर)
—————————-
ता.१७:गोंदिया जिल्ह्यातील देवरी तालुक्यातील शिरपूर/बांध येथील सीमा तपासणी नाक्यावर गुरुवार (ता.१० एप्रील ) रोजी पहाटे ५:१५ वाजेच्या सुमारास द बर्निंग कारचा थरार गावकऱ्यांनी अनुभवला. नागपूर वरून झारखंड ला जातांना अचानक कार पेटल्याने मोठे नुकसान झाले आहे. अग्निशमन दलाने तातडीने घटनास्थळी पोहचून आगीवर नियंत्रण मिळविले मात्र तो पर्यंत संपूर्ण कार जळून खाक झाली.
प्राप्त माहितीनुसार, तालुक्यातील राष्ट्रीय महामार्ग क्र.५३ वरील देवरी पोलीस स्टेशन हद्दीतील ग्राम शिरपूर/बांध येथे असलेल्या सीमा तपासणी नाक्यावर आज पहाटे पाच व्यक्ती आपल्या डस्टर गाडीने नागपूर वरून झारखंडला काही कामानिमित्त जात असताना, शॉर्ट सर्किटमुळे अचानक लागलेल्या आगीत कार जळून खाक झाली. मात्र जीवित हानी टळली.
या घटनेची माहिती मिळताच गावकरी घटनास्थळी धावले मात्र आगीचा मोठा भडका असल्यामुळे कोणीही जवळ जाऊ शकले नाही. गावकऱ्यांनी तातडीने अग्नीशमन दलाला माहिती दिली. अवघ्या काही मिनीटातच अग्रीशमन दल घटनास्थळी दाखल झाले. अग्नीशमन दलाने आगीवर नियंत्रण मिळविले मात्र तो पर्यंत संपूर्ण कार जळून खाक झाली. यामध्ये सुदैवाने जिवीत हानी झाली नाही. मात्र कारचे मोठे नुकसान झाले आहे.#
(टिप :- या बातमी सोबत जळत असलेल्या कार ची फोटो पाठविली आहे.)
